كونيتشيوا
الموضوع هو عباره عن اعترافات عن مواقف محرجه مريتوا فيها خلونا نضحك معاكم << مو عليكم
عشان اللي يبي يضحك و يستانس يدش الموضوع و يظحك علينا << خخخخ !
ها موافقين ؟؟ - اوكي انا بتبرع وبقول اول وحده خخخخخخ
------------------------------------------------------------------------------------------
مادري شحس فيه ؟ بالاحراج ولا الالم ؟؟
كان يوم امتحانات الفاينل نهاية السنة .. الكل متوتر
وكان يومها يوم اجتماعيات ..
.. كنت دارسه بالبيت زين بس لما ييت المدرسة الله لا يوريك هالبنات اللي ينقزون بويهي يقولونلي : هاذا حفظ و خرايط يديده مادري عنها و اسئله مادري من وين طلعوها فيعني كنت على اعصاابي متوترة لاقصى درجه مادري شبهبب بالامتحان ! وقاعدة ادعي واراجع واراجع وادعيميته من الخوف ..
--- يلا وقت الامتحاان ---
احنا عندنا تفتيش قبل الدخول لقاعة الامتحان المدرسات يفتشون و يشوفون اذا حاطة شي مني مناك كاتبه على ايدج يعني هالسوالف
المهم صفيت بالدور وانا اريولي ترجف خااايفه ! اللي كانت جدامي الابله دششتها بدون ما تفتشها ! فـ طبيعي اكون نفسها << هاذا اللي ضنيته
ملاحظة : الارض تزلق + جوتيي ( الحذاء) ما يساعد يعني ناااعم من تحت ...
مشيت بثقه ولا ما وعيت الا هالايد اللي تعترض طريقي ما قدرت اوقف ...
بوووووف
لا لا يكون
اخخ طحت على الارض اييييي
احد مادري منو مسك ايدي و قومني من الارض وانا شكلي اهبل ! مو مستوعبه ضمتني الابله و هي فيها ضحكه بتضحك علي << انا قاعده اقول بنفسي شفيها هاذي ؟؟؟
منحرجة وطحت لورا يعني ...
قاعدة اقول حق الابله : شنو ؟ عادي شدعوه !
الابله : ضهرج !
انا : هه عادي عادي ^_^""""
لفيت لورا -- لااااااااه قلمي سر نجاحي انكسر كلاااا منهااااا
عاد هالقلم اعزه
قلت بصوت فيه نبرة حرج و اسف : طااح !
و قمت شلته وخذيت قلم ثاني
-- القلم اللي طاح كان على goofy
من النوع اللي ينضغط - تضغط القطعه اللي فوق يطلعلك القلم من تحت --
و القطعه اللي فوق كانت راسه راس goofy تصوروا !! T_T راس goofy طار راح انكسر لااااااه
و صفيت بالدور مرة ثانيه هالمرة ما مشيت بثقة و دخلتني بدون ما تفتشني خخخخخ
لالا لا تفكرون اني مدخله ورقة ولا شي ما اغش !
بس فشله
--
و اما عن الامتحان .. كان مو سهل يعني فيه اشياء ما عرفتها .. غششتني الابله اللي طيحتني الاجابات ^____^ خخخخخخخخخ ثمن الطيحة
ملاحظة : الابله اللي طيحتني هي مدرسة اجتماعيات ..شوفوا الحظ .. ^___________________________^ الله استجاب لدعواتي الحمدلله
خخخخخخخخ و هذا هو موقفي المحرج
يا دوركم !
موضوع: موقف محرج صار لك ! تعال شاركنا < افضح عمرك خخخخ 
الأحد يوليو 22, 2007 11:34 pm
![][مشرفة تحت التجربة لقسم الانمي ][](https://2img.net/i/itest/ranks/default/default1.gif "][مشرفة تحت التجربة لقسم الانمي ][")
